Пинковата ѕвездичка Мартија- гостин во нашето училиште

Во вторникот, 10.05.2016 година во нашето училиште се организираше отворена трибина со мотото НЕ НА ПОРОЦИТЕ … Трибината беше организирана од Општинскиот совет за превенција од малолетничко престапништво и Автошколата Безбедност како генерален покровител на настанот.

На оваа трибина, која ја проследија учениците од одделенска и предметна настава, учество зедоа:

1. Директорот на училиштето, Никола Нешковски кој го отвори настанот и ги поздрави присутните. Тој исто така зборуваше и за сите активности кои ги превзема училиштето за превенција од девијантно однесување.
2. Претседателто на Општинскиот совет за превенција од малолетничко престапништво – Димитар Каракулев, кој зборуваше за пороците и штетните влијанија од нив, како и за потребата учениците да се насочат кон просоцијални активности наместо девијантни и деструктивни.
3. Наши ученици од IX – те одделенија кои презентираа факти за штетните последици од пушењето, пиењето алкохол и консумирањето на дрога, но исто така и испеаа повеќе забавни песни со кои го збогатија настанот.
4. Мартија Станојковиќ – пинковата звездичка која упати јасна порака – младите да се оттргнат од пороците и да живеат живот исполнет со креативни и културни активности.

Во своето излагање, директорот на училиштето истакна дека во свет во кој животот и општествените прилики се менуваат брзо и во кој сите сме изложени за предизвици, најголема опасност постои за децата и младите.

Со преголемата ангажираност на родителите во борбата за обезбедување на средства за живот и деструктивните сили кои ги демнат нашите ученици по улиците, училишата ја превземаат улогата на примарна превенција од девијантно однесување кај децата.

За таа цел, нашето училиште веќе неколку години активно и засилено работи на превенцијата од девијантно однесување преку реализирање на повеќе едукации по однос на овој проблем:

1. Превенција од злоупотреба со дрога
2. Превенција од злоупотреба со алкохол и цигари
3. Превенција од насилно однеување во две групи и тоа:

• ненасилно решавање на конфликти и
• превенција од насилство во училиштето.

Дополнително, во училиштето се реализираат и други активности кои индиректно влијаат на девијантно однесување кај децата:

• Едукација за справување со стрес
• Справување со предизвиците на адолесцентниот период
• Превенција од СПБ и малолетничка бременост
• Справување во врснички притисок
• Програма за вештини на адолесценција.

На крај од своето излагање директорот потенцираше дека нашето училиште, како и досега – така и одсега, засилено ке работи за спречување на девијантните појави кај децата  кои се образуваат во нашето училиште.

Повеќе фотографии од овој настан може да погледнете на следниот ЛИНК