Зелено знаме по втор пат во нашето училиште!!!

Проектот  Еко-училиште продолжува, еко-активностите  не престануваат , а учениците се пресреќни што по втор пат ја имаат највисоката награда – Зелено знаме за училиштето. Доделувањето на Наградата  – Зелено знаме беше на Еко-Самит кој се одржа во Охрид  на 2 и 3  декември 2011 година.

Горди сме на оваа награда и голема благодарност до организаторите  на настанот- ОХО кои се носители на Програмата за интеграција на еколошката едукација во македонскиот образовен систем.

Покажавме и потврдивме дека знаеме да бидеме екологисти. Продолжуваме и понатаму да ја практикуваме секоја еколошка идеја и да ја преточуваме во акција. Нека под Зеленото знаме растат многу наши генерации ! Затоа што –  Немаме резервна планета !!!