Одбележан патрониот празник на ООУ „Тоде Хаџи-Тефов” Кавадарци

Како и секоја година, така и оваа година на ден 14.02.2012, со богата програма и многу доделени награди беше одбележан патрониот празник на ООУ ”Тоде Хаџи- Тефов” Кавадарци. Манифестацијата започна во 10:30 часот, кој беше резервиран за положување на цвеќе пред бистата на Тоде Хаџи- Тефов.

Следуваше обраќање од страна на директорот, Никола Нешковски, кој ја отвори свечената седница. Секоја година се избира ученик, кој со своето знаење се закитува со признанието ”Ученик на генерацијата”.

Оваа година ова признание го доби Ана Цуцулова, ученик со одличен успех, примерно поведение и многу освоени награди и пофалници.

По повод патрониот празник се организираше награден конкурс за литературни творби во проза и поезија. Доделени беа три трети, две втори и едно прво место за поезија, а за проза едно прво место.. Третонаградени за поезија беа Марија Лазова, Димитар Милков и Ѓорѓина Лазова. Второто место им припадна на Драгана Крстевска и Тијана Мицева, а првата награда отиде во рацете на Ангела Ридова. За проза првата награда ја доби Ивана Бумбаровска. Исто така им беа доделени награди за најдобри ликовни творби на Сава Галабова, за освоено трето место, втора награда на Емилија Чукаркова и прва награда на ученичката Александра Донова. Директорот на училиштето оваа манифестација исто ја искористи, за да му додели пофалници на наставниците кои се издвоиле со својот допринос. Освен на наставниците, се доделија и награди на учениците: Драгана Крстевска, на која и беа доделени две награди- за I награда на државен натпревар за лична поетска творба и за II награда на државен натпревар по математика. Исто така им беа доделени награди и на Филип Костов, за I награда на регионален натпревар по математика и на Милан Ангелов, за III награда на регионален натпревар по математика. Наградите им ги додели одделенскиот наставник.

По сето ова ја проследивме драматизацијата ”Итар Пејо кадија” и училишниот хор со две компизиции од домашни и странски автори.

Ова беше и последната точка од програмата, а присутните беа поканети на коктел во наставничката канцеларија.

Подготви, Елена Ридова VI б одд

Повеќе фотографии можете да погледнете во менито „Галерија“ или директно тука