Државен натпревар по кошарка

На 15,16 и 17 март 2012 година во Валандово се одржа државниот натпревар во кошарка за учениците од основните училишта. Учество зедоа  екипи од неколку училишта од целата држава, но гордост за Кавадарци претставуваше пласманот на екипата од училиштето Тоде Хаџи Тефов на ова натпреварување.

Всушност да бидеме прецизни на oва натпреварување се најдоа само најдобрите екипи кои претходно беа најдобри на општинските и регионалните натпреварувања во оваа конкуренција. Нашето училиште го претставуваа вкупно единаесет ученици под раководство на наставникот по физичко образование Блажо Ѓорчев. Во првата петорка на екипата се најдоа: Горан Мантев, Ласко Станоев, Блаже Митков, Ѓорги Темов и Ристе Малчевски но благодарение на борбеноста и залагањето на сите членовите на екипата,  ОУ Тоде Хаџи Тефов извојува 3 победи:

Во четвртокот, 15 март, го победивме тимот на ОУ Св. Климент Охридски од Битола со резултат 46-17. Потоа во петокот на 16 март победивме во два натпревари и тоа против екипите на ОУ Јосип Броз- Тито од Валандово и ОУ Лазо Ангеловски од Скопје исто така со значителна разлика.Во саботата на 17 март, во финалниот дуел против тимот на ОУ Владо Тасевски од Скопје ОУ Тоде Хаџи Тефов доживеа пораз и тоа со 12 поени разлика.

Сепак учениците од нашето училиште беа среќни и со освоеното второ место,како и со  дипломите и трофеите кои им беа доделени. По враќањето во училиштето тие беа пречекани со бројни пофални зборови и честитки.

В.Трајкова