Извештај – постигнувања, успеси, награди и признанија на крајот од учебната 2011/2012 година

ООУ „ТОДЕ ХАЏИ-ТЕФОВ“ КАВАДАРЦИ наставната 2011/2012 година ја заврши со одделенските совети и наставничкиот совет каде беше утврден успехот и поведението на учениците како и реализираноста на наставната програма од страна на наставничкиот кадар. Исто така беше направен осврт на целокупното работење и постигнатите успеси за оваа учебна година, како што се семинарите на наставниците, проектите во училиштето, натпреварите на учениците на општински и републички ниво.

Наставничкиот кадар оваа година на најразлични семинари има добиено над 60 сертификати од страна на USAID, министерството за образование и наука, бирото за развој на образование, ОХО проектите, психо-социјална едукација на учениците, компјутерите во наставата и др. Истите му беа доделени на наставниците од страна на директорот на училиштето ТОДЕ ХАЏИ-ТЕФОВ, господинот Никола Нешковски. Учениците во ова училиште освоија голем број на награди на републичките натпревари:

1. Македонски Јазик – пофалница за ученичката Лазова Менче 8-б одд. под менторство на наставничката – Олгица Младеновска
2. Математика – второ место и пофалница на олимпијада – ученичката Драгана Крстевска 7-г одд. под менторство на наставничката – Нада Ицева
3. Физика – трето место ученичката Милкова Росана 7-в одд. и пофалница за ученичката Драгана Крстевска 7-г под менторство на наставничката – Мимоза Попова
4. Биологија – второ место – ученичката Ангела Ридова 7-в одд. – под менторство на наставничката – Соња Иловска
5. Екологија – второ место – ученичката Ангела Ридова 7-в одд – под менторство на наставничката – Соња Иловска
6. Техничко образование (моделарство) – ученикот Мартин Орешков 8 одд. под менторство на наставникот – Стефан Богев
7. Физичко (кошарка-машки) по третпат го освојуваат второто место во Македонија – под менторство на наставникот – Благој Ѓорчев

Училиштето Тоде Хаџи- Тефов работеше на проектот „УЧИЛИШТА НА ИНТЕРНЕТ“ каде стана единственото училиште од Македонија – училиште на интернет и стапија во непосредна пријателска соработка со училиштето МИНЕХЕАД од градот Сомерсет од Кралството Велика Британија. Основното училиште Тоде Хаџи-Тефов зеде учество по повод олимписките игри во Англија, каде го изведоа Големиот олимписки танц. Како учесници им беа испратени сертификати на сите ученици кои учествуваа на тој голем олимписки танц, сертификати за организаторите- наставници и сертификат за училиштето Тоде Хаџи-Тефов.

Оваа година училиштето Тоде Хаџи-Тефов беше покането на еко-самитот во Охрид каде по втор пат беше прогласено за еко училиште и по втор пат наградено со зелено знаме и 1000 евра за проектот штедливи чешми и казанчиња за во тоалетите. Училиштето зеде учество на конкурсот ЗА НАЈДОБРА ЕКОЛОШКА ПОРАКА ИЗРАЗЕНА ПРЕКУ РЕЛЈЕФНА УМЕТНОСТ, каде беше прво наградена во Македонија со 4 дневен престој во бесплатен еко камп на планината Осогово. Оваа можност му беше овозможена на еко одборот наставничката Соња Иловска придружена со 5 ученици од училиштето.

Оваа година училиштето учествуваше во проектот „ЗЕЛЕНА ЕКОНОМИЈА И БИО ДИВЕРЗИТЕТ ВО МАКЕДОНИЈА“ и беше во првите  три училишта во Македонија кои зедоа учество со еден претставник од училиштето каде во Букурешт ќе ја претставува Македонија во меѓународната конференција за унапредување на ЗЕЛЕНАТА ЕКОНОМИЈА ВО ДРЖАВАТА.

На крајот мора да напоменеме дека основното општинско училиште Тоде Хаџи-Тефов од Кавадарци го задржува оној континуитет најдобро училиште во воспитно образовниот систем, а тоа се потврди со најголем број на ученици за новата учебна година во однос на другите училишта во регионот.

Квалитетот го потврди и државниот инспекторат за образование каде оваа година изврши интегрална проверка во училиштето во траење од 4 дена каде училиштето беше оценето добро во однос на нивното досегашно работење.

Тоде Хаџи-Тефов за новата учебна година ќе добие нов лик односно ќе биде изработена нова модерна фасада. Секако е во прв план и спортската сала каде ООУ„Тоде Хаџи-Тефов“ тоа го заслужува.

Повеќе фотографии можете да погледнете во менито „Галерија“ или директно тука