Одбележан патрониот празник на 14.02.2013

Одбележан патрониот празник на
ООУ „Тоде Хаџи-Тефов” Кавадарци

Денот 14 февруари, 2013 година, беше посветен на славење на делото на јунакот Тоде Хаџи- Тефов. И овој пат нашето училиште не пропушти да му заблагодари за неговите херојски постапки, но на малку поскромен начин, бидејќи неодамна дочекавме јубилеј – 50 години од постоењето на училиштето. Церемонијата на положување цвеќе започна во 10:30 часот. Пред бистата, на Тоде му беше оддадена благодарност од сите наставници и од директорот на училиштето. Потоа во свечената сала, во присуство на сите вработени во училиштето, почитуваниот директор оддржа краток говор, со кој ја претстави сликата на нашето училиште, а воедно го започна и прогласувањето на најдобрите ученици во генерацијата. Оваа година покрај ученик на генерацијата, прогласени беа и ученици кои имале континуиран одличен успех. Со титулата ученик на генерацијата се закити ученичката Драгана Крстевска, која се има докажано со постојан одличен успех, мноштво награди, пофалници и примерно поведение. Со награда за континуинар одличен успех и примерно поведение се здобија ученичките Ангела Ридова и Виолета Трајкова, кои за нијанса се издвојуваат од најодличниот.
Потоа наставничката по македонски јазик Лиле Жабоска, ја имаше задачата да ги додели наградите за литературните творби на учениците, составени по повод патрониот празник. Првата награда за проза ја доби ученичката Драгана Крстевска со творбата „Тоде Хаџи- Тефов“, втората награда отиде во рацете на Тијана Мицева со тема „ Колибата крај осамените брези” и на третото место се најде творбата на Ангела Ридова „Компјутерот- прозорец кон современиот свет”. Пофалена за прозен текст беше Елена Ридова со прозната творба „Тоде Хаџи- Тефов”. За поезија првонаградена беше Сара Јовкова со „Јунакот Тоде”, втората награда отиде во рацете на Ѓорѓина Лазова со творбата „ Неколку стиха за јунакот Тоде”, додека третата награда ја зеде ученикот Петар Галапчев. За поезија пофалена беше ученичката Лилјана Чукаркова.
После ова следеше обраќање на претседателот на здружението на пензионерите во нашето училиште, наставникот по историја Киро Крстев. На долгогодишните работници им беа доделени подароци како награда за макотрпна работа. На крај директорот им додели пофалници на наставниците кои се истакнале со посебен допринос за училиштето и присутните продолжија на коктел во канцеларијата.

Составил ученикот Елена Ридова VII б/8

Слики од настанот