Отворен ден на училиштето

Во вторникот, на 12.05.2015 година во ООУ“Тоде Хаџи – Тефов“ се одржа ОТВОРЕН ДЕН на училиштето.

Настан беше организиран од Ученичката заедница на училиштето, но со поддршка од Наставничкиот совет и Советот на родители.

Советот на родители овој ден го искористи за да испрати отворен повик до сите родители, пријатели на училиштето и претставници на бизис заедницата за да се донираат средства за претстојното реновирање на училиштето.

Како дел од програмата за Отворениот ден, во училиштето се организираа повеќе активности:

1. Културно – уметничка програма со учениците од I – V одделение.
2. Финалето од турнир во мал фудбал,
3. Штанд со здрава храна изработен од ученичките и нивните мајки.
4. Изложба од самостојни и заедничките активности кои преку проектот за Меѓуетничка интеграција во образованието се реализираа оваа учебна година.

На оваа изложба имаше поставено 20 уметнички дела кои беа направени на ликовната колонија организирана на Матка во текот на Април оваа година заедно со партнерското училиште “Бајрам Шабани“ од Кондово.

Овие дела се изработени од тимот ученици составена од двете националности – македонска и албанска националност.

Во изложбата можеа да се видат и изработките на народни носии во комбинирана техника кои се дел од мултикултуранта иконографија на училиштето.

На присутните родители, наставници и претставници на заедницата, освен директорот на училиштето им се обратија и г-ѓа Зорица Вчкова како и г-ѓа Македонка Ѓорчева Илиевска кои упатија отворен повик за поддршка на училиштето и донирање за негово реновирање.

Од училиштето соопштуваат дека и покрај тоа што на Отворениот ден беше собрана занчителна сума на средства, повикот за донации продолжува до крајот на оваа седмица.

Сите страни заинтересирани за донирање, повеќе информација за донирањето може да добијат во училиштето.

Повеќе фотографии можете да погледнете во делот на галерија или на овој линк