ПСИХО–СОЦИЈАЛНА ЕДУКАЦИЈА и СОВЕТУВАЊЕ ЗА ДЕЦА И РОДИТЕЛИ ВО ОУ. ТОДЕ ХАЏИ ТЕФОВ

Од почетокот на септември во ОУ. Тоде Хаџи – Тефов започна имплементацијата на проектот  „ПСИХО – СОЦИЈАЛНА ЕДУКАЦИЈА И СОВЕТУВАЊЕ НА РОДИТЕЛИ”.

Проектот ке се имплементира до крајот на декември од страна на психологот и координатор во СППМД, Љубица Кочова.

Преку овој проект родителите на децата од 7 и 8 одделение ќе имаат можност да ги подобрат своите знаења, вештини и ставови за справување со предизвиците кои ги носи воспиувањето на адолесценти – возраст во која влегуваат нивните деца во овој период.

На оваа возраст децата и од двата пола влегуваат во една критична фаза, фаза на тешкотии врзани за идентитетот. Во овој период адолесцентите почнуваат да ги доведуваат во прашање целите и вредностите на родителите, воедно почнуваат да бараат алтернативи, кои лично им одговараат, а се однесуваат на интересите, целите, вредностите и верувањата.

Во овој период и семејството и училиштето се справува со првите знаци на отпор од учениците спрема веќе установените норми и правила. Евидентно е дека ова се однесува не само за децата кои  се слаби со успех или деца кои се потемпераментни. Статиситиките покажуваат дека во овој период и децата кои се со одличен успех појавуваат негово опаѓање и идентично на нивните врсници демонстрираат нагли промени во однесувањето.

Училиштето и невладината организација со цел превенирање на малолетничката деликвенција ја имплементираат оваа едукативна програма која би им помогнала и на децата и на родителите за справување со предизвиците на овој период.

Темите кои се опфатени се:

–  специфики на адолесцентниот период

–  комуникација и комуникативни вештини

–  ненасилно решавање на конфликти

–  родителски стилови и последиците од нив

–  работа со деца во ризик

... other posts by Уредник