Јубилеј – 50 години постоење

Одбележан јубелијот 50 години од постоењето на ООУ „Тоде Хаџи – Тефов“ -Кавадарци

Во петокот на ден 12.10.2012 година, со богата програма и активности беше одбележан јубилејот 50 год. од постоењето на училиштето .

Јубилејот започна во 10:00 часот со положување на цвеќе пред бистата на Тоде Хаџи – Тефов. Присутни беа пензионери и пензионерки од училиштето, претставници од Локалната Самоуправа, претставници од Училишниот одбор и др. Истовремено беше организиран турнир во кошарка, девојчиња од страна на наставниците по физичко и здравствено образование Елена Толева и Блажо Ѓорчев и истиот се одигра на спортските терени во ООУ „Тоде Хаџи -Тефов“. На турнирот учествуваа 4 екипи од основните училишта : „Тоде Хаџи Тефов“ , „Страшо Пинџур“ , „Димката Ангелов Габерот“ – Ваташа и „Тошо Велков- Пепето“.

Финалниот натпревар го одиграа ученичките од ООУ „Тоде Хаџи -Тефов“ и ООУ „Тошо Велков- Пепето“ во кој ученичките од ООУ „Тошо Велков -Пепето“ постигнаа повеќе кошеви. Истовремено се одиграа и натпревари во мал фудбал помеѓу одделенијата од нашето училиште.                                                                                                                                             Манифестацијата продолжи во вечерните часови во Домот на културата „Иван Мазов- Климе„- Кавадарци каде се одржа свечената седница по повод 50 години од постоењето на училиштето со својата богата културно- уметничка програма. Седницата се отвори со химната на Македонија во изведба на ученичката Драгана Крстевска од VIII одд.

По неа на присутните гости им се обрати директорот на ООУ „Тоде Хаџи – Тефов“ , господинот Никола Нешковски, кој во своето излагање го истакна петдецениското успешно работење на училиштето како во воспитно – образовниот процес така и надвор од него.

Наредните неколку минути гостите беа воодушевени од етно композицијата од стари народни песни пропратени со пијано и виолината на ученичката Александра Петровска.

По завршувањето на нејзиниот настап директорот Никола Нешковски на пензионираните директори на нашето училиште им додели Благодарници за успешно раководење и придонес во доизградување на училиштето, реконструкција, поголема или помала во зависност од материјалните можности .Тие секој на свој начин се залагале за реализација на наставниот процес, за консолидација во колективот, за спроведување на разни проекти со цел унапредување на наставата. На сцена излезе , првиот директор на нашето училиште уште во далечната 1962 година, Стојче Ристовски кој се до крајот на неговиот петти мандат ја спроведувал успешно воспитно-образовната дејност. Подоцна хронолошки беа доделени благодарници и на останатите директори:госпоѓа Лилјана Бакева, господиин Герасим Стефановски , господин Илија, Мицајков (како последен директор на основното училиште „Дешка Тошева“ во село Бегниште кое што се припојило со нашето училиште), господин Перо Трајков,госпоѓа Цвета Каракулева, госпоѓа Весна Китева,господин Влатко Гечев, господин Пешо Бошков, господин Марко Орешков и господин Димитар Ивановски

По доделувањето следеше изведба на песната „ Тоде Хаџи -Тефов“ од училишниот хор под менторство на наставникот по музичко образование и наука Петар Арсов . По песнатa следуваше рециталот пропратен со инструментална музика. Рециталот го изведуваа учениците од VIIIодд. заедно со подготовка на наставничката по македонски јазик Олгица Младеновска.
На крај манифестацијата заврши со сплет на две народни композиции препратени со 4 хармоники и пијано и дел од претстават „ Бегалка“ од В. Иљоски. Гостите излегоа во фоајето на Домот на културата на дегустација на традиционална здрава храна подготвена од родителите и наставниот кадар.

Наредниот ден 13. 10. 2012 год. во 19:00 часот во Домот на културата „Иван Мазов – Климе“ – Кавадарци од учениците беше изведена театарската претстава „ Бегалка“ од В. Иљоски под менторство наставничката по македонски јазик Марија Трајкова. Учениците инзворедно ги одглумија своите улоги и на крај следеше долг аплауз од гостите.

Подготвил:
Ристе Мицев VII б одд.

За да ги прочиташ вестите на КТВ кликни овде

За да ги видиш вестите за настанот на КТВ кликни овде (23 минута) и кликни овде (24 минута)

Слики од Јубилеј – 50 години постоење

Слики од драмата „Бегалка“