Еден прекрасен ден на Матка

Во средата на 29.04.2015 година, ООУ “Тоде Хаџи – Тефов“ ја реализираше првата од двете заеднички активности предвидени со програмата за меѓуетничка интеграција во образованието за оваа учебна година.

Активноста, под форма на ликовна колонија, беше реализирана во соработка со ООУ “Бајрам Шабани“ од Кондово, при што група од по 20 ученици од секое училиште изработи 20 уметнички дела на платно.

Изработките се направени од ученици, припадници на двете националности – македонска и албанска.

На овој настан освен интеракцијата која беше остварена помеѓу учениците, беше воспоставена и комуникација и соработка и помеѓу родителите и наставниците.

Целиот ден помина во програма која беше креирана од тимовите за МИО на двете училишта и која предвидуваше неколку заеднички активности:

1. Работилница за запознавање и соработка помеѓу учениците
2. Реализирање на ликовна колонија во етнички мешани парови
3. Завршна активност и правење на план за претстојната втора размена на Кожув.

Ние од училиштето ја оценуваме оваа активност како многу успешна и со нетрпение ја очекуваме нашата следна заедничка активност која треба да се реализира на 22.05.2015 година во Детското одмаралиште Михајлово на Кожув.

Повеќе фотографии можете да погледнете во делот на галерија или на овој линк