Одбележан Патрониот празник на ООУ „Тоде Хаџи-Тефов“- 14.02.2014

И оваа година, не заостанувајќи од претходните, го прославивме патрониот празник на нашето училиште “Тоде Хаџи- Тефов”. На 14 февруари 2014 година достојно му заблагодаривме на нашиот патрон за сите негови дела, со одредена манифестација која започна со полагање на цвеќе во 10:30 пред бистата на јунакот Тоде, како знак на благодарност од директорот,наставниците и поканетите гости.

Потоа, вработените и гостите се упатија во свечената сала за да ја проследат свечената седница која ја отвори почитуваниот директор со краток говор преку кој ја претстави состојбата на нашето училиште и со тоа го започна прогласувањето на најдобрите во генерацијата. Годинава, покрај ученик на генерацијата беа прогласени и 6 ученици со континуиран одличен успех кои за нијанса се издвојуваат од најдобриот.

Наставничкиот совет за Ученик на генерацијата  ја прогласи ученичката Елена Ридова од VIII б одделение за континуиран одличен успех и примерно поведение,освоени награди и пофалници во текот на осумгодишното образование. За континуиран одличен успех и примерно поведение пофалени беа и учениците Симона Костова, Кристина Јовановиќ, Теодор Делов, Ристе Мицев, Пане Белевски и Страше Наумов.

Патрониот празник традиционално го обележуваме со литературен конкурс за проза и поезија. Наставничката Олгица Младеновска ги додели наградите: III награда за проза доби Мирјана Станоева, II- та награда за проза отиде во рацете на ученикот Димитар Милков, а со I-та награда се закити ученичката Елена Ридова.III награда за поезија доби Рената Ангелкова, II-та награда за поезија ја зеде ученикот Филип Костов, а I-та награда ја освои ученичката Ѓорѓина Лазова. Беа доделени и награди за ликовни творби на Захарија Гелева, Елеонора Димова и Христијан Маџунков. Училиштето секоја година доделува  награди на наставниците со долгогодишен стаж и неодамна пензионираните, наградите беа доделени од председателот на Синдикатот Ќиро Крстев.  Потоа следуваше културно -уметничка програма: драма изведена од помалите кои достоинствено ја забавуваа публиката и музички точки. На крај, присутните беа поканети на коктел во канцеларијата.

Елена Ридова VIII б

Повеќе фотографии можете да погледнете во делот на галерија или на овој линк