Европскиот ден на јазиците во ООУ„Тоде Хаџи-Тефов“
35 ученика од петто одделение разменија разгледници со 35 ученика од College Saint Paul, Is-sur-Tille од Франција и на тој начин го прославија Европскиот ден на јазиците.
МИХАЈЛОВО – Втора заедничка МИО активност во партнерство со ООУ “Бајрам Шабани“ од Кондово
Во петокот на 22.05.2015 година, ООУ “Тоде Хаџи – Тефов“ ја реализираше втората од двете заеднички активности предвидени со програмата за меѓуетничка интеграција во образованието за оваа учебна година.
Активноста, под форма на еколошка акција, беше реализирана во соработка со ООУ “Бајрам Шабани“ од Кондово во рамките на Детското одмаралиште Михајлово.
Планираните активности предвидоа соработка помеѓу учениците, наставниците и родителите, при што групите од по 20 ученици од секое училиште изработија 50 садници со цвеќиња.
Активностите беа направени од ученици, припадници на двете националности – македонска и албанска, кои заеднички садеа цвеќиња во саксии, а потоа и ги декорираа истите.
Целиот ден помина по програма која беше креирана од тимовите за МИО на двете училишта и која предвидуваше неколку заеднички активности:
- Работилница за тимска работа и соработка помеѓу учениците
- Реализирање на еколошката акција во етнички мешани парови
- Завршна активност и посета на ООУ “Тоде Хаџи – Тефов“
Од двете училишта ја оценуваат оваа активност како многу успешна и разговараа за евентуални можности за проширување и продлабочување на активностите помеѓу двете училишта.
Повеќе фотографии можете да погледнете во делот на галерија или на овој линк
Отворен ден на училиштето
Во вторникот, на 12.05.2015 година во ООУ“Тоде Хаџи – Тефов“ се одржа ОТВОРЕН ДЕН на училиштето.
Настан беше организиран од Ученичката заедница на училиштето, но со поддршка од Наставничкиот совет и Советот на родители.
Советот на родители овој ден го искористи за да испрати отворен повик до сите родители, пријатели на училиштето и претставници на бизис заедницата за да се донираат средства за претстојното реновирање на училиштето.
Еден прекрасен ден на Матка
Во средата на 29.04.2015 година, ООУ “Тоде Хаџи – Тефов“ ја реализираше првата од двете заеднички активности предвидени со програмата за меѓуетничка интеграција во образованието за оваа учебна година.
Активноста, под форма на ликовна колонија, беше реализирана во соработка со ООУ “Бајрам Шабани“ од Кондово, при што група од по 20 ученици од секое училиште изработи 20 уметнички дела на платно.
Изработките се направени од ученици, припадници на двете националности – македонска и албанска.
Работен состанок со УСАИД на тема реновирање на училиштето
На 18.03.2015 (среда) во ООУ “Тоде хаџи – Тефов“ Кавадарци се одржа работен состанок помеѓу претставници на училиштето, локалната заедница, општината и Американската агенција за меѓународен развој – УСАИД.
Состанокот се одржа во рамките на проектот за МЕЃУЕТНИЧКА ИНТЕГРАЦИЈА ВО ОБРАЗОВАНИЕТО, Компонента 4 – Обезбедување на стимул за училиштето, а истиот беше со цел договарање на можности и начини за реновирање на училиштето.
За ова реновирање, главните фондови во висина од 1 200 000 денари се предвидени да бидат обезбедени од УСАИД , а во истото, со одреден процент да учествува и Локалната самоуправа.
ООУ “Тоде Хаџи – Тефов“ е едно од 10 училишта, од 260 вкупно кои аплицираа за грндот на ниво на Република Македонија, кое го доби грандот. Од УСАИД информираат дека грандот беше одобрен врз основа на солидно изработените апликации, квалитетот на активностите предвидени со него и посветеноста на училиштето да работи на мултикултурните и меѓуетничките активности.
Од училиштето се задоволни од можноста за соработка со УСАИД и најавуваат средствата да бидат потрошени за едно од клучните преоритети на училиштето.
Повеќе фотографии можете да погледнете во делот на галерија или на овој линк
Патронен празник 2015
Повеќе фотографии можете да погледнете во делот на галерија или на овој линк
Еко активности низ училштето
Повеќе фотографии можете да погледнете во делот на галерија или на овој линк
eTwinning знак за квалитет за учениците од IV одделение
Учениците од четврто одделение добија еТвининг знак за квалитет за нивната работа на проектот „Европа- толку многу лица“(Europe- so many faces)
Новогодишен базар
Според насоките на МОН за реализација на проектот „Заедничка грижа за правилно насочување на учениците“ во ООУ„Тоде Хаџи-Тефов“ Кавадарци на ден 29.12.2014(понеделник) се спроведе „Новогодишен базар“. На овој „Новогодишен базар“ беа изложени Новогодишни изработки изработени од учениците, наставниците и родителите.
Базарот е со продажен карактер, а средствата собрани од истиот се наменети за потребите на училиштето односно за да се обезбедат нагледни средства или аудиовизуелни средства во зависност од тоа што ќе одлучат наставниците.
За учениците од прво одделение Новогодишниот базар се одржа на 24.12.2014, а за учениците од II, III, IV и V одделение на ден 29.12.2014 во 10 часот, а за учениците од предметна настава на 29.12.2014 во 12 часот.
Сите ученици активно учествуваа во организацијата на оваа активност, а родителите го посетија базарот.
Училишната комисија формирана од Директорот одбра за одделенска и предметна настава најдобро изработени Новогодишни сувенири и истите се наградени.
Повеќе фотографии можете да погледнете во делот на галерија или на овој линк
- Годишна програма
Годишна програма за работа на ООУ Тоде Хаџи Тефов Кавадарци во учебната 2024/2025 година
- Развојна програма
Развојна програма на ООУ „Тоде Хаџи Тефов“ од Кавадарци за 2021-2025
- Самоевалуација 2023 г.
Изваштај од самоевалуација на училиштето, спроведена 2023 година.
E-Презентации
Фотографии по случаен избор
